Mar 2 | LasULB | STEP | Ʋ tasə ayʋkən cəkalən ka wontə na, Yesu pəsə nι kɔn Kapernaʋm kɔrʋ ta, rəna yəra nιι sə ι wι rɨɔ ta.

Mark 2

1 Ʋ tasə ayʋkən cəkalən ka wontə na, Yesu pəsə nι kɔn Kapernaʋm kɔrʋ ta, rəna yəra nιι sə ι wι rɨɔ ta. 2 Yəra kpatər kɔn wa kpɔl hal nə a naa awɔr κa riil nʋ rι nʋ tal mənɔ tι. Νnə Yesu wʋlʋ wa Ashia tɨam.

3 Yəra nampar kɔn Yesu ca n’acantur ka wa wι n’naʋsa. 4 Wa na wontə sə yəra kpatər wι na, nən wa ra pιsə wa kpιanə nι, na yəra pa təl nampu ka wʋ n’ashia ta, wa tɨsə acantir nɖɔ karʋ rə ka Yesu calɔ ι yəsa ta

5 Ι na wa mʋʋ nən tɨsʋ ka wontə na, Yesu kal acantir ɖə sə: wɔ a tιsənən ña awarkasə. 6 Nnɔn aŋtaʋ təkarə mara wι ka wa cɔ rəna nι wa mɔsʋ na wa ñəma ta. 7 Ʋ la sənɔ yər ñι pιsə nι wʋtə səmpə; ι ι ñɔn Ashia. Ampιsʋ sə ι tιsən awarkasə, nʋ ta kιnə Ashia rəcel

8 Yesu tιr nι sən wa ləmɔsəm nι kal wa sə: arlapa n’ι mɔsʋ həmpə ka mι hɔya ta. 9 Kaa wontə wι kaɖə, s’a kal acantir nɖə; s’a tιsənən nk’awarkasə, ya kʋr n’sʋ n’kaɖʋ n’ wal;

10 Ama, sə ι səm sə Yər Wo wι huku ka tιtə rə sə ka tιsən awarkasə, ι kal acantir ɖə sə 11 “Ma kalʋn, kʋr , sʋ ña kpəkpalʋ nə kpen nə tι”. 12 ι təŋkə nι kʋr nι kpen ι tι κa wa tən wa yəsa ta. Ʋ la wa tən ka rəyaʋ, wa wɔrʋ Ashia wa kalʋ sə “Ra takə naa ntər sə ntə ñι”

13 Yesu kʋr nι tasə pəsʋ ka lιʋ cal, nnə yəra kpatər kɔn nι wʋlʋ wa. 14 ι walʋ wontə na, ι na Lefi, Alfe wo ka ι cɔ lampən mʋra awɔɔr ta nι kalι sə, “Kʋr nə n təŋkəm”. ι κʋr nι ι təŋkə’ι.

15 Yesu wι Lefi rιəɔ tɔ wontə nι tʋkʋ tʋnɔ na nən lampən mʋra pkatər nən awarkasə cina wι wa tʋkʋ tʋnɔ naι ñən ι waratənkəra, wontə rι na yəra kpatər ka tənkəι. 16 ^{▼▼This verse is empty because in this translation its contents have been moved to form part of verse Mrk 2:17.} ^{▼▼In this translation, this verse contains text which in some other translations appears in verses Mrk 2:16-Mrk 2:17.}17 Antaʋŋ ñastə təkar mara mpa ci Farisə ñempa na, na tə səmpɔ sə Yesu tʋkʋ tʋnɔ na lampən mʋra n’awarkasə cina na, wa kal ι waratənkəra sə”Arlapa ñən lampən mʋra nən warkasə cina wa tʋkʋ tʋnɔ. Yesu nι tə səmpɔ wontə na ι kal wa sə,”wompa wι nantə ta ren na wa pə ci cilu ci ama wompa ʋ wι wa na. Ma ta kɔn sə ma ya reyuyu yəra, ama awarkwsə ci na”.

18 Sanə na Farisə yəmpa waratənkəra ka hɔkə nιsə. Wa kɔn wa kal Yesu sə” Arlapa nə Sanə na Farisə yəmpa waratənkəra hɔkə nιsə nən ña yəmpa ka hɔkə”. 19 Yesu kal wa sə” Wompa aya wa yaal pkartə təŋkar na pιsʋ sə wa hɔ nɔ ka yaal waal wι wa cal yal. N waal wι nι wι wa cal wa ra hʋa nιsə. 20 Ama, ayʋkʋn nι ñιr kʋ sə ñι tal nən asʋ waal na rι n’ι, rəna ñɔ na wa hɔkə nιsə. 21 ^{▼▼This verse is empty because in this translation its contents have been moved to form part of verse Mrk 2:22.} ^{▼▼In this translation, this verse contains text which in some other translations appears in verses Mrk 2:21-Mrk 2:22.}22 Yər ka sʋku ahuntu cəfalʋ sə ι tar ahuntu cəpənʋ rə, ya səmpə ahuntu cəpənʋ fakɔ cərʋ ahuntʋ cəfalʋ fakɔ,nən ʋkɔsʋn wanɖə, Yər pə sʋkʋ sələm cəfampə sι sii pə firo cəpənɔ ta, ya səmpə, firo cəpənɔ yaa, nən sələm kpιən atι nən a lesə firasə na sələm rərə. Ʋ wasʋ s’asi sələm cəfam ka firo cəfalɔ tɔ na.

23 Siufə yəmpa fistə ayʋkʋ rə na, Yesu təŋkʋ amala sιιn ən ñιr ta, nən ι waratəŋkəra pasə amala mʋrʋ wa tʋkʋ. 24 Nən Farisə yəmpa kal-ι sə,”ñəl, arlapa wa lakə wontə ʋ ta mɔna s’alaʋ fistə ayuku rι na.” 25 ι kal wa sə, “ι takə kal wontə Tafitə lapa k’alʋwatə ntə ι ka ta tan na wʋr sι tʋ nι ñʋsə kʋι ñιn ι akpancana ya. 26 Wona ι sι Ashia rιɔ ta nnɔn Apiatar ci na Ashia sιra ta səshιampa ñʋnci, nι tʋ hartə pkɔnʋ nkʋ a sι kʋ Ashia pəmpɔrə rə na; wontə a ta ha nampʋ ka yər wan sι tʋ ka ʋ ta ci Ashia laatə larə; ama, ι ha rərɔ wompa ñιn wa wι na. 27 Yesu kal sə “A ləsə Fistə Ayʋkʋ ka yəra rɔ na, a ta ləsə yəra ka Fistə Ayʋkʋ rə. Ama Yər Wo kιnə wɔ ñι cii tə tən ñʋn cii hal na Fistə Ayʋkʋ rι.